Англия футбол ассоциацияси футболчиларнинг диний эътиқодларини инобатга олиб қоидани ўзгартирди

Англия футбол ассоциацияси (FA) мамлакат кубоги ғолибларининг чемпионликни шампан билан нишонлаш қоидасига ўзгартириш киритди.

Daily Mail нашри тарқатган хабарга кўра бундай қарор айрим футболчиларнинг диний эътиқодларига ҳурмат юзасидан келиб чиқиб қабул қилинган.

Спиртли ичимликлар асосан мусулмонлар учун таъқиқланган. Қолаверса, бошқа бир қатор дин вакиллари учун ҳам спиртли ичимликлар истеъмол қилиш тавсия этилмайди.

Бундан ташқари футболчилар орасида умуман спиртли ичимлик ичмайдиганлар ва ҳали 18 ёшга тўлмаган, яъни спиртли ичимлик истеъмол қилиш таъқиқланадиган футболчилар ҳам бор.

Юқоридагилардан келиб чиқиб FA ғолиб жамоага алькоголсиз шампанларни тақдим этади.

Эслатиб ўтамиз, бу мавсум Англия кубоги финалида “Манчестер Сити” ва “Уотфорд” жамоалари ўзаро куч синашишади. Ўййин 18 май куни “Уэмбли”да бўлиб ўтади.