Angliya klubi sensatsion transferga qo‘l urmoqda

Angliya Premer-ligasida ishtirok etayotgan “Brayton” kutilmagan transferga qo‘l urmoqda.  Bir necha manbalarning ta’kidlashicha, bu klub beshinchi diviziondan o‘yinchi oladigan bo‘ldi.

Havaskorlardan tarkib topgan “Geytsxed” jamoasi Angliya chempionatining beshinchi divizionida ishtirok etadi. Biroq bu jamoaning 21 yoshli futbolchisi Ouen Oseni Premer-liganing bir necha klublari e’tiborini qozondi.

“Brayton” katta iste’dod sohibi sifatida e’tirof etilayotgan o‘yinchini arzon narxda transfer qilishni mo‘ljallayapti.

Ouen Oseni ko‘p gol uradigan va raqib jarima maydonchasida xavfli hujumlarni tashkil qila olishga qodir o‘yinchi sifatida namoyon bo‘ldi. Bu o‘yinchi tezkor, texnikasi zo‘r va jamoani o‘z ortidan ergashtira olishi bilan hurmat va e’tibor qozondi.

“Brayton” yangi talantni olish uchun 200 ming funt xarajat qilishga tayyor. Bundan tashqari, “Geytsxed” o‘z futbolchisining kelajakdagi keyingi transferlaridan ham 10 foizdan ulush olishi belgilanyapti.