Англия клублари “Ньюкасл”га қақшатқич зарба бермоқчи

Саудиялик инвесторлар қўлига ўтган “Ньюкасл” бирдан бойиб кетди ва клубнинг янги хўжайинлари жамоани энг зўр футболчилар билан кучайтирмоқчи.

“Ньюкасл”нинг саудияликларга сотилгани Англия клубларига маъқул келмади. Улар трансфер бозоридаги нархлар ва ўйинчиларнинг маоши кескин ошиб кетишидан хавотирда. Шу боис премьер-лига жамоалари “Ньюкасл”га бирлашиб, кутилмаган зарба беришга келишиб олди.

Унга кўра, Англия клублари “Ньюкасл”га ўз футболчиларини сотмайдиган бўляпти. Агар шу келишув мустаҳкам бўлса, “қарғалар” фақат бошқа чемпионатлардаги ўйинчиларни олишига тўғри келади. Бироқ, бошқа мамлакатларда зўр ўйнаётган чарм тўп усталари Англия футболига мослага олмаган вазиятлар тарихда кўп кузатилган.