Англия кубоги. "Челси" қуйи лига вакилини экстра-таймларда мағлуб этди

Анлия кубоги доирасидаги "Челси" - "Плимут" жамоалари ўртасидаги баҳс ўз якунига етди. Унда майдон эгалари 2:1 ҳисобидаги ғалабани қўлга киритди.

Дастлабки гол 8-дақиқада меҳмонлар футболчиси Маколей Гиллесфи томонидан киритилди. Ҳисобни тенглаштирувчи гол "аристократлар" сардори Сесар  Аспиликуэтага номига ёзилган бўлса, қўшимча бўлимдаги ҳал қилувчи гол муаллифи Маркос Алонсо бўлди.

Шу тариқа, "Челси" жамоаси кейинги босқич йўлланмасини қўлга киритди. "Плимут" эса шу босқичда мусобақа билан ҳайрлашди.