Англия Кубоги ҳакамлари янги тизимдан фойдаланишади

Англия кубогининг 1/8 финалида ҳакамлар ихтиёрида янги тизим пайдо бўлади. Бу ҳақда "ESPN" нашри хабар бермоқда

Қарийб бир йил олдин Премьер-лига клублари офсайдни аниқлашнинг ярим автоматик тизимини жорий этишни маъқуллаган эди. Бу технология "ўйиндан ташқари" ҳолатни анча тезроқ қайд этиш имконини беради. Бунда эсв ВАР тизимининг ёрдами керак бўлмайди.

АПЛ ўйинларида мазкур тизимни жорий этиш бир неча бор кечиктирилган - синовлар ва тайёргарлик ишлари давом этмоқда. Ярим автоматик офсайд аниқлаш тизими Англия кубогининг 1/8 финал учрашувларида қўлланилади.

Шубҳасиз, бу Премьер-лигада тизимни жорий этиш йўлидаги навбатдаги қадам бўлади. Англия кубогининг 1/8 финал ўйинлари 1 ва 2 март кунлари ўтказилади. Бир неча кун олдин қуръа ташлаш маросими бўлиб ўтди.