Англия кубоги. "Ливерпуль" "Сити"ни мағлуб этиб, кубок финалига йўл олди

Англия кубоги ярим финалидан ўрин олган "Манчестер Сити" - "Ливерпуль" учрашуви якунига етди. Мазкур ўйинда меҳмонлар 3:2 ҳисобида зафар қучди.

"Қизиллар" сафида Ибраима Конате ва Садио Мане (дубль) ўз номини таблога ёздириб қўйди. "Шаҳарликлар"нинг икки голига Жек Грилиш ва Бернарду Силва муаллифлик қилди.

Шу тариқа, Клопп шогирдлари Англия кубоги финалига йўл олди. Мерсисайдликлар финалда "Челси" - "Кристал Пэлас" ўйини ғолибига қарши майдонга тушади.