Англия кубоги. "Манчестер Сити" йирик ҳисобда ғалаба қозонди

Англия кубоги 1/16 финал босқичидан ўрин олган "Манчестер Сити" - "Фулхэм" учрашуви якунига етди. Мазкур баҳсда "шаҳарликлар" 4:1 ҳисобида рақибдан устун келди. 

"Сити" сафида Гюндоган ва Стоунз ўз номини таблога ёздириб қўйган бўлса, Рияд Маҳрез эса дубл муаллифига айланди. "Фулхэм" таркибида Карвалью гол уришга муваффақ бўлди. 

Шу тариқа, Гвардиола шогирдлари кейинги босқич йўлланмасини қўлга киритди.