Англия лига кубоги. "Манчестер Юнайтед" йирик ҳисобда ғалаба қозонди
Англия лига кубоги ярим финалидан ўрин олган "Ноттингем Форест" - "Манчестер Юнайтед" учрашуви якунланди. Беллашувда "қизил иблислар" 3:0 ҳисобида ғалаба қозонди.
Дастлаб, Маркус Рэшфорд 6-дақиқада ҳисобни очди. Бўлим сўнггида Ваут Вегхорст орадаги фарқни иккитага етказиб қўйди. Бруну Фернандеш 89-дақиқада гол уриб, ҳисобни йириклаштириб қўйди.
Маълумот учун, мазкур жамоалар ўртасидаги ярим финалнинг жавоб учрашуви 1 февраль оқшомида бўлиб ўтади.
Фикрлар