Англия суперклуби “Реал” футболчисини сотиб олади

Франция терма жамоаси ва “Реал” клуби ярим ҳимоячиси Эдуардо Камавинга фаолиятини Англия Премьер-лигасида давом эттириш имконига эга бўлмоқда.

Caught Offside сайтининг хабар беришича, 23 ёшли франциялик ўйинчини Англиянинг амалдаги чемпиони “Ливерпуль”  ўз таркибига қўшиб олишга тайёр.

Манбага кўра, мерсисайдликлар бир неча позицияда ўйнай оладиган Камавингани қўлга киритиш учун мадридликларга 60 миллион евро атрофида бадал пули таклиф қилмоқчи.

Камавинга жорий мавсумда барча мусобақаларда 14 ўйинда майдонга тушиб, бир гол урган ва бир голли пас берган. Унинг “Реал” билан шартномаси 2029 йилнинг ярмигача амал қилади. Transfermarkt экспертлари футболчини 50 миллион еврога баҳоламоқда.