Англияда ҳали ҳеч қайси клуб бундай антирекорд қайд этмаган

Футболда ғалаба ва мағлубият, муваффақият ва омадсизлик доим ёнма-ён юради. Шундай экан, баъзан натижалар мухлислар кутганидек бўлмайди.

“Дерби Каунти” ишқибозлари жамоанинг 2007-2008 йили Англия Премьер-лигасида қайд этган натижасини эслашни ҳохламайди.

Ўша мавсумда “Дерби Каунти” футболчилари очко жамғариш бўйича Англия футболидаги энг ёмон натижани қайд этган.

Бу жамоа вакиллари 38 та ўйинда атиги битта ғалаба қозонган ва саккиз мартда дуранг ўйнаб, бутун мавсум давомида 11 очко жамғарган холос.

Шу биргина ғалаба олтинчи турда “Ньюкасл” устидан кичик ҳисобда қозонилган. Март ойига бориб, Премьер-лигани тарк этгани аниқ бўлиб улгурган “Дерби Каунти”нинг урган ва ўтказган голлари нисбати -69 тани ташкил қилган.