Англиянинг чемпион клуби сотувга қўйилди

2026 йили Англия Премьер-лигаси чемпионлигини қўлга киритиб, сенсация кўтарган “Лестер Сити” футбол клуби сотувга қўйилди. Бу ҳақда The Athletic хабар берди.

Манба маълумотига кўра, клуб эгалари унинг учун тахминан 300 миллион доллар олишни режалаштирмоқда. Бироқ жамоа Англия чемпионатининг кучлилиги бўйича учинчи дивизионга тушиб кетгани сабабли якуний сумма 200 миллион долларгача камайиши мумкин.

Инвесторларни жалб қилиш мақсадида Citigroup инвестиция банки махсус тақдимот тайёрлаган. Потенциал харидорларга келишув доирасида қуйидаги активлар портфели таклиф этилмоқда: «Кинг Пауэр» стадиони, «Сиграв» машғулот базаси, аёллар жамоасининг «Белвуар Драйв» базаси, ер майдонлари, академия, «Лестер» аёллар жамоаси, шунингдек, Бельгиянинг «Ауд-Хеверле Лёвен» клуби.

2025 йилги баҳога кўра, кўчмас мулк объектларининг умумий қиймати 275 миллион долларни ташкил этади.

«Лестер» тарихида Англия чемпионлиги (2016), Англия Лига Кубогида учта ғалаба (1964, 1997, 2000), Суперкубокда икки ғалаба (1971, 2021) ва мамлакат Кубогида бир ғалаба (2021) бор.