Анри нимани хоҳлаяпти?

“Арсенал”нинг собиқ ҳужумчиси Тьерри Анри габонлик тўпурар Пьер-Эмерик Обамеянг “канонирлар” сафида қолишини хоҳламоқда.

“Обамеянг жамоадан кетишини истамайман. Албатта, унинг ҳам ўз ҳаёти бор, у ҳам бошқа клуб ёки чемпионатда ўйнашни хоҳлар. Ким билади? Лекин у “Арсенал”да қолишини хоҳлайман”, - дейди Анри Goal нашрига берган интервьюсида.

Бундан аввалроқ, Обамеянгнинг хизматларига «Барселона» ва «Манчестер Юнайтед» клублари қизиқиш билдираётгани ҳақида хабарлар тарқалган эди.

Обамеянг жорий мавсум “Арсенал” сафида АПЛда 26 та ўйинда майдонга тушди ва ўз ҳисобига 17 та гол ҳамда 2 та голли узатма ёздириб қўйишга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)