Анри Ямал ҳақидаги ҳазили сабаб билдирилган танқидларга жавоб берди

Фнция терма жамоасининг собиқ ҳужумчиси Тьерри Анри «Олтин тўп»ни топшириш маросимидаги хатти-ҳаракатлари учун билдирилган танқидларга муносабат билдирди.

Собиқ футболчи Ламин Ямал, Харри Кейн ва маросимнинг ҳаммуҳандиси Кейт Скоттга нисбатан ҳурматсизликда айбланган эди. Тақдирлаш маросимида Анри Ямалдан энг яхши ёш футболчи учун мукофотни эмас, бош совринни қўлга киритишни истаган-истамаганини ҳазил тариқасида сўраган.

«Мен Ламин Ямалнинг катта мухлисиман. Унинг нафсониятига тегмоқчи ҳам эмасдим. Агар ҳазилим сизга ёқмаган бўлса, буни тушунаман. Аммо ҳамма нарсани бунчалик жиддий қабул қилиш керак эмас. Ямал — ўйинини томоша қилиш учун пул тўлашга тайёр бўлган футболчилардан бири. Унинг ўйини менга жуда ёқади.

Мен Кейнга: “Сен ғалабага ҳақли эдинг, бу мукофотга муносибсан. Сен меҳнатсеварлик ҳам истеъдод эканини, астойдил ишлаш эса ҳақиқий фазилатлигини исботладинг”, дедим. Табриклайман, Харри Кейн! Жаҳон чемпионатидан кейин уни сэр Харри Кейн деб атайман», — дея Анрининг сўзларини BBC келтирмоқда.

Эслатиб ўтамиз, тақдирлаш маросими 26 октябрь куни бўлиб ўтди. «Олтин тўп» соврини Харри Кейнга насиб этди.