Ансу Фати: Месси билан бирга ўйнаш болаликдаги орзуим эди...

“Барселона” ҳужумчиси Анссуман Фати кеча “Вильярреал”га (4:0) қарши ўйиндан сўнг, ўз фикрларини билдириб ўтди.

Таъкидлаш керакки, Фати кечаги баҳсда дубль қайд этди.

“Месси билан бирга ўйнаш болалигимдаги орзу эди. Энди бу ҳақиқат.  У жуда кўп маслаҳат беради, менга майдонда ҳам, машғулотларда ҳам, футболдан ташқарида ҳам кўмаклашади. Бу менга бахт беради.

Мен ўсишни ва жамоадошларимдан ўрганишни давом эттирмоқчиман, чунки улар дунёдаги энг зўр футболчилардир. Улар ҳар куни менга ёрдам беришга ҳаракат қилишади”, - деди 17 ёшли Фати.

Матнда хатолик топсангиз, ўша хатони белгилаб, бизга жўнатинг (Ctrl + Enter)