Антони: "Бу мен учун ақлбовар қилмас ҳолат"

Антони қизил карточканинг бекор қилиниши ва "Реал Мадрид"га қарши ўйнаш имконияти ҳақида гапирди.

- Бу мен учун ақл бовар қилмайдиган ҳолат бўлди, айниқса, "Реал" билан ўйиннинг муҳимлигини ҳисобга олсак. Қолаверса, уйда ва мухлислар қаршисида ўйнаймиз.

Мен жуда бахтлиман ва ўзимни ўйинга тайёр ҳис қиляпман, - деди бразилиялик вингер.

Аввалроқ, "Манчестер Юнайтед"дан ижарага олинган бразилиялик вингер Ла Лиганинг 25-туридан ўрин олган "Хетафе"га (2:1) қарши ўйиннинг 93-дақиқасида қўполлиги учун майдондан четлатилди. 25 ёшли футболчи дисквалификация туфайли "Реал"га қарши ўйинни ўтказиб юбориши керак эди.

Бироқ, Испания Қироллик футбол федерациясининг тартиб-интизом қўмитаси "Бетис" томонидан билдирилган эътирозларни қабул қилиб, футболчининг дисквалификациясини бекор қилди. Клубнинг юридик хизмати футболчининг четлатилиши ҳакамнинг хатоси эканлигини исботлади.