АПЛ. 104 дақиқа давом этган ўйинда "Ньюкасл" 10 киши бўлиб қолган Лэмпард шогирдларига мағлуб бўлди

АПЛ 27-туридан ўрин олган қолдирилган ўйинда "Эвертон" ўз майдонида "Ньюкасл"ни қабул қилди. Мазкур баҳсда мезбонлар 1:0 ҳисобида рақибдан устун келди. 

Алекс Ивоби томонидан 90+9-дақиқада киритилган гол амалда ўйин тақдирини ҳал қилди. 

Шу тариқа, "ирисчилар" ҳисобидаги очколари сонини 25 тага етказиб олди. Айни вақтда улар АПЛ турнир жадвалида 17-ўринда бормоқда. 31 очкоси бор "қарғалар" 14-поғонадан жой олган. 

Эслатиб ўтамиз, ушбу беллашувнинг 83-дақиқасида мерсисайдликлар ярим ҳимоячиси Аллан қизил карточка олиб майдонни тарк этди.