APL. "Arsenal" o‘z maydonida "Manchester Yunayted"ni engib, 4-o‘ringa ko‘tarildi

Angliya Premer-Ligasi 34-turidan o‘rin olgan "Arsenal" va "Manchester Yunayted" jamoalari o‘rtasidagi o‘yin yakunlandi. Mazkur bahsda maydon egalari 3:1 hisobida zafar quchdi.

"Kanonirlar" safida gollarga Tavaresh, Saka va Jaka mualliflik qilgan bo‘lsa, "qizil iblislar"ning yagona golini Ronaldu o‘z nomiga yozdirib qo‘ydi. Shuningdek, 57-daqiqada Fernandesh 11 metrlik nuqtadan foydalana olmadi.

Ma’lumot uchun, "Arsenal" ushbu g‘alabadan keyin ochkolar sonini 60taga etkazib, 4-o‘ringa ko‘tarildi. 6-o‘rindagi MYu hisobida 54 ochko mavjud.