АПЛ. "Бёрнли" - "Тоттенхэм": Матнли трансляция

Ассалому алайкум муҳтарам футбол ихлосмандлари. АПЛ 6-туридан ўрин олган "Бёрнли" - "Тоттенхэм" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди! матнли  трансляция Жавоҳир Азимов томонидан олиб борилди.

• 90+2'
  

  Жо Родон гол муаллифи Сонни алмаштирди.

• 90'
  

  Асосий вақтга 4 дақиқа қўшиб берилди.

• 88'
  

  Эшли Барнс ўрнига Матей Видра ўйинга қўшилди.

• 86'

  "Тоттенхэм" тўп назоратини ўзида ушлаб турибди.

• 83'

  Ламела кучсиз зарба берди. Поуп ортиқча қийинчиликсиз уни эгаллаб олди.

• 80'
  

  Сонга нисбатан қўполлик ишлатган Кевин Лонг огоҳлантирилди.

• 78'
  

  Танги Ндомбеле ўз ўрнини Жиованни Ло Чельсога бўшатиб берди.

• 76'
  

  ГООООООООООЛЛЛЛЛЛЛ! Сон ҳисобни очди!

  Бурчакдан оширилган тўпни Кейн жамоадошига узатди. Сон боши билан дарвозанинг юқори бурчагини ишғол қилди.

• 73'

  Ламела жарима майдонига тўп оширди. Бироқ Дэвис тўпга ета олмади.

• 71'

  Тарковскининг зарбасидан сўнг Кейн дарвоза чизиғи устидан тўпни қайтарди.

• 70'

  Крис Вуд ўта қулай имконият ҳосил қилаётган эди. Бироқ ҳакам ўйинни тўхтатди. Тўп ҳужумчининг қўлига теккан экан.

• 69'

  Дайч шогирдлари бутун жамоа бўлиб ҳимояланмоқда. "Шпорлар" ҳужумда қийналяпти.

• 67'

  Кейн жарима майдони ичида зарба беришга кечикди. Ҳимоячилар барча йўлларни ёпиб қўйган эди.

• 64'

  Майдон эгалари прессингда яхши ишламоқда.

• 61'

  "Бёрнли"нинг ажойиб комбинацияси кучли зарба билан якунланди. Аммо бу сафар ҳам тўп дарвозагача етиб бормади.

• 59'

  "Шпорлар" қанотларни тез-тез алмаштириб, ҳужум уюштирмоқда.

• 57'
  

  Моуриньо ўйинни ўзгартириш мақсадида Лукас Моура ўрнига Эрик Ламелани майдонга туширди.

• 56'
  

  Барнснинг жарима майдони ташқарисидан йўллаган зарбаси Алдервейрелдга тегиб, йўналишини ўзгартирди.

• 54'
  

  Вуд воқеалар ривожидан бироз илгарилаб кетди.

• 53'

  Кейн ҳужумда фол ишлатди. У рақибини қўллари билан туртиб юборган эди.

• 50'

  Дэвиснинг хатосидан кейин тўпни эгаллаб олган Браунхилл дарҳол зарба берди. Бироқ зарбага анқилик етишмади.

• 48'

  Ндомбеленинг ноаниқ узатмаси жамоасининг хавфли ҳужуми тўхташига олиб келди.

• 46'
  

  Иккинчи тайм бошланди!

• 45+3'
  

  Танаффус!

• 45+2'

  Кейннинг кучли зарбаси бу сафар ҳам ҳимоячилардан қайтди.

• 45'
  

  Биринчи бўлимга 3 дақиқа қўшиб берилди.

• 44'
  

  Йоханн Гудмунссоннинг яқи бурчакка йўллаган зарбасини Льорис эгаллаб олди.

• 43'
  

  Жарима майдони марказига узатилган тўпни Поуп ушлаб олди.

• 41'

  Харри Кейн жарима майдонига ёриб киришига икки рақиби йўл қўймади.

• 40'

  Крис Вуд Гудмунссон узатган тўпга ета олмади. Қулай вазият яратилиши мумкин эди.

• 38'

  Ўйин темпи бироз пасайди. Кураш, асосан марказда кечмоқда.

• 36'

  Жарима тўпидан Браунхилл ноаниқ зарба берди.

• 34'

  Ндомбеле 3 рақибидан ўтиб, зарба берди. Тўп йўлига ҳимоячи тўғаноқ бўлди.

• 32'

  Доэртининг узатмасини бу сафар ҳам мезмонлар вакиллари қайтарди. "Тоттенхэм" фаолликни оширди.

• 29'

  Сон жарима майдони ичида тўпни қабул қилди. Ҳимоячилар унга зарба йўллаш имкрниятини қолдирмади.

• 27'

  Тўп назорати "шпорлар" томонга ўтмоқда.

• 25'

  Хёйбергнинг жарима майдонига кесиб узтган тўпига шериклари ета олмади.

• 22'

  Сонни қоида бузиш эвазига тўхтатишди. У бўш дарвоза қаршисида қолган эди.

• 21'
  

  Эшли Барнснинг голи офсайд туфайли ҳисобга олинмади.

• 20'
  

  Вествуд жароҳат олиб, майдонда ётибди. Мусса Сиссоко унинг оёғини босиб олган эди.

• 19'
  

  Бурчакдан етказиб берилган тўпни "Бёрнли" ҳимоячилари узоқлаштирди.

• 17'

  Майдон эгалари тез-тез олдинга ўтмоқда. Аммо аксарият ҳужумлар зарбагача бормаяпти.

• 15'

  Барнснинг узоқ масофадан йўллаган зарбасига аниқлик етишмади.

• 13'

  Алдервейрелд ўйинни давом эттира олади. Унинг боши махсус бинт билан боғлаб қўйилди.

• 11'
  

  Иккинчи қаватдаги курашда Барнс Алдервейрелдга нисбатан қўполлик ишлатди. Тобининг қоши ёрилди ва унга тиббий ёрдам кўрсатилмоқда.

• 9'

  Бен Дэвис тўпга ета олмади. Ҳимоячи яхши ҳаракат қилди.

• 6'
  

  Эшли Барнс ўйиндан ташқари ҳолатда қолиб кетди.

• 4'

  Вуд тўпга зарба бериш жараёнида Льорисга нисбатан қоида бузди.

• 2'

  Меҳмонлар стандарт вазиятдан наф чиқара олмади.

• 1'
  

  Учрашув бошланди!

• 0'

  Футболчилар майдонга тушиб келмоқда. Ўйин бир неча дақиқалар ичида старт олади.