АПЛ. "Эвертон" - "Ливерпуль": Матнли трансляция

Ассалому алайкум, қадрли футбол ихлосмандлари! Англия Премьер-лигаси 5-туридан ўрин олган "Эвертон" - "Ливерпуль" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+7'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+5'

  Ўйин сўнгида "Эвертон"да қулай стандарт юзага келди.

• 90+3'
  

  ЙЎҚ! Бош ҳакам ВАРга мурожаат қилиб, голни бекор қилди. Мане ўйиндан ташқари ҳолатда қолиб кетган экан.

• 90+2'
  

  ГОООООООООЛЛЛЛЛЛЛ! Хендерсон ҳисобни ўзгартирди!

  Маненинг узатмасини Хендо дарвозага киритди.

• 90'
  

  Асосий вақтга 5 дақиқа қўшиб берилди.

• 89'
  

  Ришарлисон Алькантарага нисбатан жуда қўпол ўйнади. Майкл Оливер уни майдондан четлаштирди.

• 87'

  Клопп шогирдларининг навбатдаги ҳужуми хавфли чиқди.

• 85'
  

  Хамесга ишлатилган қўполлик учун Фабиньо огоҳлантирилди.

• 83'
  

  Маненинг хавфли зарбасини Пикфорд бир амаллаб қайтарди.

• 81'
  

  ГООООООООООЛЛЛЛЛЛЛ! Кальверт-Льюин ҳисобни тенглаштирди!

  Люка Диннинг ажойиб узатмасини Доминик дарвозага жойлаб қўйди.

• 79'
  

  Фирмино ўрнига Жота майдонга тушди.

• 77'
  

  Бурчакдан етказиб берилган тўпга Матип аниқ зарба берди. Пикфорд ўз ўрнида!

• 76'

  Жарима майдони ичида Салаҳни зарарсизлантиришди.

• 74'

  Гол ўтказиб юборган мезбонлар ҳужумга эътибор қаратмоқда.

• 72'
  

  ГООООООООООЛЛЛЛЛЛЛ! Салаҳ жамоасини олдинга олиб чиқди!

  Марказга узатилган тўпни Мина қайтарди. Унга яқинроқ жойдан Салаҳ кучли зарба бериб, тарози паллаларини жамоаси фойдасига ўзгартирди.

• 69'
  

  Фабиньога нисбатан қўполлик ишлатгани учун Андре Гомеш огоҳлантирилди.

• 67'
  

  Мане иккинчи қаватда Динни жароҳатлади. Унга тиббий ёрдам кўрсатилмоқда.

• 66'
  

  Кальверт-Льюин офсайдда қолиб кетди.

• 65'
  

  Хамеснинг узоқ масофадан айлантириб йўллаган зарбасини Адриен қайтарди.

• 63'

  Фабиньонинг ажойиб узатмасини олдинга югуриб чиққан Пикфорд ушлаб олди.

• 61'

  Хендерсон Фирминони қулай позицияга чиқарган эди. Аммо Люка Динь тўпни майдон ташқарисига тепиб юборди.

• 59'

  Ришарлисоннинг зарбаси устунга тегди.

• 58'

  Люка Диннинг навбатдаги узатмасини ҳимоячилар қайтарди.

• 56'

  Люка Динь Ришарлисонга ноаниқ пас берди. Ҳужум тўхтаб қолди.

• 54'
  

  Аллан билан Робертсон ўзаро тўқнашиб кетди. Иккисига ҳам тиббий ёрдам керак.

• 52'

  Иккинчи қирқ беш дақиқаликни мезбонлар фаолроқ бошлади.

• 50'

  Кальверт-Льюин жуда қулай вазиятни кўкка совурди. Узатма идеал бўлган эди.

• 48'

  Жарима майдонидан қайтган тўпги кучли зарба берган Хендерсон бироз мўлжалда адашди.

• 47'

  Фабиньонинг узоқ масофадан йўллаган зарбаси тўсин юқорисидан ўтиб кетди.

• 46'
  

  Иккинчи бўлим бошланди!

• 46'

  Футболчилар майдонга қатди. Биз ҳам қайтамиз!

• 45+4'
  

  Танаффус!

• 45+2'
  

  Андре Гомешнинг узатмаси зарбага айланиб кетди. Адриан тўпни базўр қайтарди.

• 45'
  

  Биринчи таймга 4 дақиқа қўшиб берилди.

• 45'
  

  Жарима майдони чизиғи атрофида Хамес Манени чалди. Ҳакам уни огоҳлантирди.

• 43'

  "Эвертон"нинг навбатдаги ҳужуми бесамар якунланди.

• 41'

  Дерби ўз номига мутлақо мос кечмоқда!

• 40'

  Дукуренинг узатмасини Кальверт-Льюин дарвозага тўғирлаб юборди. Аммо унинг режаси ўзи ўйлаганичалик чиқмади.

• 39'

  Салаҳ Тьяго билан комбинация уюштириб, зарба берди. Бироқ тўп Пикфорд қўлларига оҳиста келиб тушди.

• 37'

  Катта тезликда қарши ҳужумга ўтаётган Хамесни Робертсон қоидага зид равишда тўхтатиб қолди. Ҳакам бу сафар уни аяди.

• 36'

  Жарима тўпини тезкорлик билан ўйинга киритган Алькантара Салаҳга узатма амалга оширди. Мисрлик футболчига ҳимоячилар зарба бериш имкониятини қолдирмади.

• 34'

  Робертсон ва Мане яна бир бор ақлли комбинация ташкиллаштиришди. Бироқ бу сафар Садионинг зарбасига аниқлик етишмади.

• 33'

  Алькантаранинг зарбаси кучли, лекин бироз ноаниқ чиқди.

• 31'
  

  Мезбонлар сафида ҳам мажбурий ўзгариш: жароҳат олган Коулман ўрнига Бен Годфрей ўйинга қўшилди.

• 30'
  

  Симус Коулманга тиббий ёрдам кўрсатилмоқда

• 28'

  Меҳмонларнинг ҳужумлари тобора хавфлироқ тус олмоқда. Бироқ "ирисчилар" ҳам қарши ҳужумларда бўш келмаяпти.

• 26'

  Маненинг Салаҳ томон оширган пасига Пикфорд эга чиқди. Футболчилар марказда тўхтамаяпти.

• 25'
  

  Жарима тўпини ижро этган Арнольднинг зарбасини Пикфорд қайтарди.

• 23'

  Жарима майдони яқинида Гомеш Манега нисбатан хавфли ўйнади. "Ливерпуль"да яхши стандарт вазият юзага келди.

• 22'

  Ўйин шиддатли темпда давом этмоқда.

• 21'

  Салаҳнинг зарбаси аниқ бироқ кучсиз чиқди.

• 20'
  

  ГООООООООООЛЛЛЛЛЛЛ! Кин ҳисобни тенглаштирди!

  Бурчак тўпидан Хамеснинг узатган тўпини Майкл Кин кучли зарбаси билан дарвозага йўналтирди. Адриан бу зарба олдида ожиз эди.

• 19'
  

  Кальверт-Льюиннинг ўткир бурчакдан йўллаган кучли зарбасини дарвозабон аранг қайтарди.

• 18'

  Қарши ҳужумга югураётган Ришарлисон тўпни қўли билан ўзига бўйсундиргани учун ўйин тўхтатилди.

• 17'
  

  Тўпни яхши тўхтатган Кальверт-Льюин жарима майдони ташқарисидан кучсиз зарба берди.

• 15'

  Арнольднинг узатмасига жамоадошлари ета олмади.

• 12'

  Люка Диннинг ажойиб узатмасидан кейин Калверт-Льюин баланд сакради ва зарба берди. Бироқ зарбага аниқлик етишмади.

• 11'
  

  Жароҳат олган Ван Дейк майдонни тарк этди. Унинг ўрнига Жо Гомес ўйинга қўшилди.

• 9'

  Калверт-Льюин қанотдан катта тезликда олдинга югурди. Аммо жамоадошлари уни қўллаб-қувватлай олмади.

• 7'
  

  Пикфорд ҳамда Ван Дейк жарима майдони ичида тўқнашиб кетди. Ҳимоячига тиббий ёрдам кўрсатилмоқда

• 5'

  "Ливерпуль" босимни оширмоқда. Кетма-кет хавфли ҳужумлар уюштирилмоқда.

• 3'
  

  ГООООООООООЛЛЛЛЛЛЛ! Садио Мане ҳисони очди!

  Робертсон бир рақибидан ўтиб, марказда турган Манега тўани оширди. Садионинг "пушка" зарбаси олдида дарвозабон мутлақо ожиз эди!

• 2'

  "Қизиллар" илк дақиқаларни фаолроқ ўтказмоқда.

• 1'
  

  Учрашув бошланди!

• 0'

  Футболчилар майдонга тушиб келишди. Ўйин яқин дақиқалар ичида старт олади.