АПЛ. "Фулхэм" - "Ливерпуль": Матнли трансляция

Ассалому алайкум, муҳтарам футбол ихлосмандлари. Англия Премьер-лигаси 12-туридан ўрин олган "Фулхэм" - "Ливерпуль" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+2'

  Сўнгги дақиқаларда "қизиллар" тинмай ҳужумлар уюштиряпти. Бироқ хавфли зарбадан дарак йўқ.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  Адемола Лукман ўз ўрнини Жо Брайанга бўшатиб берди.

• 86'

  Клопп шогирдлари катта иштиёқ билан олдинга ўтмоқда. "Фулхэм" ҳимояда қийналяпти.

• 84'
  

  Ўз ярим майдонида тўпни қабул қилган Жонс соло юриш билан майдоннинг ярмини босиб ўтди ва жарима майдонидан зарба берди. Ареола ўз ўрнида.

• 82'
  

  Роберто Фирмино воқеалар ривожидан илгарилаб кетди.

• 79'
  

  ГООООООООООЛЛЛЛЛЛЛ! "Ливерпуль" ҳисобни тенглаштирди!

  Салаҳнинг чапроққа йўллаган ишончсиз зарбасини Ареола қайтарди. Бироқ тўп дарвозадан жой олди.

• 78'
  

  Тўп қаршисига келган Вейналдумнинг зарбасидан кейин жонли девордагилар тўпни қўли билан қайтарди. Ҳакам нуқтага ишора қилди.

• 77'

  Меҳмонлар жарима майдони яқинида яхши стандарт вазият ишлаб олди.

• 75'
  

  Лукман огоҳлантирилди.

• 73'

  Орқа чизиқни ишончли ҳимоя қилаётган майдон эгалари тез-тез қарши ҳужумлар уюштириб турибди.

• 71'

  "Фулхэм" прессинг уюштирмоқда. Меҳмонлар ҳамон голли вазият ярата олмаяпти.

• 69'
  

  Трент майдонни тарк этди. Унинг ўрнига Неко Уильямс ўйинга қўшилди.

• 68'
  

  Бурчакдан оширилган тўпга Адарабиойо ноаниқ зарба берди.

• 66'

  Катта устунлик мерсисайдликлар томонга ўтиб кетди. Улар тўпни назорат қилиб, рақибни кўпроқ югуришга мажбур қиляпти.

• 64'

  Лукман катта тезликда Вейналдумни ортда қолдирди ва жарима майдони яқинида тўхташга мажбур бўлди. Уни Хендерсон зарарсизлантирди.

• 62'
  

  Хендерсоннинг яқин масофадан берган зарбасини Ареола қайтарди.

• 61'
  

  Жарима майдони марказига узатилган тўпга Фирмино зарба бера олмади.

• 60'

  "Ливерпуль" яна бир бурчак тўпини қўлга киритди.

• 58'
  

  Леминага тиббий ёрдам кўрсатилди.

• 57'

  Тезкор қарши ҳужумга ўтган Бобби Рид ноаниқ узатмаси туфайли жаомадошларини тўп билан таъминлай олмади.

• 56'

  Жарима майдони марказига Трент тўп оширди. Уни дарвозага йўллайдиган футболчи топилмади.

• 54'
  

  Жонснинг узоқ масофадан берган зарбасини дарвозабон ушлаб олди.

• 52'

  Жарима майдони ичида Салаҳ бироз кескинлик билан зарарсизлантирилди.

• 50'

  Салаҳ узатган тўпга Фирмино ета олмади. Яна бир ҳужум бесамар якунланди.

• 48'

  Таймни меҳмонлар фаол бошлади. Ўйиндан аввал билдирилган тахминлар аста-секин ўзини оқламоқда.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+3'

  "Ливерпуль" жарима майдони яқинида стандарт вазият ишлаб олди. Робертсон томонидан марказга оширилган тўпга ҳеч ким ета олмади.

• 45+2'

  Биринчи таймнинг сўнгги дақиқаларини "қизиллар" ҳужумда ўтказмоқда.

• 45'
  

  Биринчи бўлимга 3 дақиқа қўшиб берилди.

• 44'

  Трентнинг узатмасини қабул қилиб, рақибини чалғитган Салаҳ зарба берди. Бироқ тўп дарвозага кирмади.

• 42'

  Тайм сўнгига келиб, мерсисайдликлар ҳам фаоллик кўрсатишни бошлади. Улар тўпни назорат қилмоқда.

• 40'

  Маненинг бош билан йўллаган зарбасига аниқлик етишмади.

• 39'

  Тезкор қарши ҳужумга ўтган "Фулхэм" футболчилари хавфли ҳужум уюштирди. Бироқ жарима майдонига узатилган тўпни дарвозага йўллайдиган футболчи топилмади.

• 36'

  Аста-секин меҳмонлар ҳам ҳужум уюштиришни бошлади.

• 34'

  Майдон эгалари рақибни ўз ярим майдонидан ўтишга қўймаяпти.

• 32'
  

  Яқин масофадан берилган зарбани кучли реакция эвазига Алиссон қайтарди. Мерсисайдликлар уйғонмаса бўлмайди.

• 31'
  

  Кёртис Жонс огоҳлантирилди. "Фулхэм"да навбатдаги стандарт юзага келди.

• 29'

  Мезбонлар иккинчи голни киритиш мақсадида тинмай олдинга ўтяпти.

• 27'

  "Ливерпуль" футболчиларига ҳужумда кескинлик етишмаяпти.

• 25'
  

  ГООООООООООЛЛЛЛЛЛЛ! "Фулхэм" ҳисобни очди!

  Бобби Декордова-Риднинг кучли зарбаси голга айланди!

• 25'
  

  Лукманнинг узоқ бурчакка йўллаган зарбасини Алиссон бартараф этди.

• 23'
  

  Мезбонлар бу сафарги бурчак тўпидан ҳам унумли фойдалана олмади.

• 22'

  "Фулхэм" ҳужум уюштиришда давом этмоқда.

• 20'
  

  Хендерсонга нисбатан қоида бузган Андерсен огоҳлантирилди.

• 19'
  

  Ҳакам ўйинни давом эттиришга рухсат берди. "Фулхэм" тўпни бурчакдан ўйинга киритиб беради.

• 17'

  Фабиньо жарима майдонига ёриб кирган рақибини тўхтатди. Ҳакам эҳтимолий пенальтини текшириш учун ВАРга юзланди.

• 15'

  Айни дақиқаларга келиб, устунлик "Фулхэм"да. Улар 2 та хавфли вазият ярата олди.

• 14'
  

  Кавалейрунинг навбатдаги аниқ зарбасини Алиссон қайтарди.

• 13'

  Хендерсоннинг ажойиб узатмасини яккакурашда рақибига мағлуб бўлган Мане қабул қила олмади.

• 11'
  

  Салаҳ ўйиндан ташқари ҳолатда қолиб кетди.

• 9'

  Қанотдан ёриб кирган Робертсон ҳужумни муваффақиятли давом эттира олмади.

• 7'

  Роберто Фирминонинг зарбаси ноаниқ кетди.

• 6'
  

  Бурчак зарбасидан "Фулхэм" ўйинчилари фойдалана олмади.

• 5'
  

  Иван Кавалейрунинг зарбасини Алиссон қайтарди.

• 3'

  Илк дақиқалардан майдон эгалари бироз фаол ўйин кўрсатмоқда.

• 1'
  

  Ўйин бошланди!

• 0'

  Старт олдидан Папа Диоп хотирасига 1 дақиқа қарсак чалинди.

• 0'

  Футболчилар майдонга тушиб келди. Ўйин бир неча дақиқалар ичида старт олади.