АПЛ грандлари Винисиусга қизиқиш билдирмоқда

"Реал" ҳужумчиси Винисиус Жуниор Испания чемпионатини тарк этиши мумкин. Бразилиялик юлдузга Англия Премьер-Лигасининг икки гранди қизиқиш билдирмоқда.

"Todofichajes" нашри хабарига кўра, Винини "Манчестер Сити" ва "Ливерпуль" ўз сафига қўшиб олмоқчи. Бундан ташқари, Саудия Арабистони чемпионати грандлари ҳам уни сотиб олмоқчи экани ҳақида хабарлар берилган эди.

Эслатиб ўтамиз, 24 ёшли форвард "қироллик клуби"да 2018 йилнинг ёзидан буён ўйнаб келмоқда. Форварднинг амалдаги шартномаси 2027 йилнинг июни охиригача амал қилади. Трансфермаркт портали ҳужумчининг бозор нархини 200 миллион еврога баҳоламоқда.