APL klubi hujumchisi avtohalokatga uchradi

Maykl Antonio baxtsiz hodisaga uchradi. Bu haqda "Vest Xem" klubi xabar berdi. 

"Bolg‘achilar"  Maykl Antonioning avtohalokatga uchraganini tasdiqlashi mumkin. Barcha klub a’zolarining o‘y-hayollari va duolari Maykl, uning oilasi va do‘stlariga qaratilgan", - deyiladi klub bayonotida. 

"Vest Xem" bergan bayonotdan avval ham ijtimoiy tarmoqlarda futbolchining baxtsiz hodisaga uchraganini va vertolyotda shifoxonaga olib ketilgani haqida mish-mishlar paydo bo‘lgandi. Bu ma’lumot rasman tasdiqlanmagan, biroq internetda voqea sodir bo‘lgani taxmin qilingan joydan suratlar tarqalyapti.