АПЛ клублари исён кўтармоқда! МЮ, "Тоттенхэм" ва "Эвертон" энг фаоллардан

Англия Премьер-лигасининг 20 клубидан 19 таси шошилинч йиғилиш ўтказди. Унда саудиялик миллиардерлар томонидан сотиб олинган "Ньюкасл" муҳокама қилинди.

"Daily Mail" нашри тарқатган хабарга кўра, "Манчестер Юнайтед", "Тоттенхэм" ва "Эвертон" жамоалари бунга энг катта қаршилик кўрсатмоқда. Қайд этилишича, норозилик АПЛда Чемпионлар лигаси учун сўнгги йўлланмани берувчи 4-ўрин учун янги жиддий даъвогар пайдо бўлиши билан боғлиқ.

Мажлисга "Ньюкасл"дан ҳеч ким таклиф этилмаган. "Бу биринчи навбатда катта клублар учун муаммо, лекин келишув рақобатга катта таъсир кўрсатиши мумкин. Топ клублар Чемпионлар лигаси йўлланмаси учун кураш қийинлашиб кетишидан хавотирда",-дейди Премьер-лигаси клубларидан бири раҳбари.

Шунингдек, "кўпроқ кичик жамоалар бунга хотиржамроқ муносабатда бўлишди",-дея қўшимча қилинган.