АПЛ. "Манчестер Сити" бир киши кам бўлиб ғалаба қозонди ва бошқа натижалар

АПЛнинг 6-туридан ўрин олган бир қанча учрашувлар бўлиб ўтди. Қуйида натижалар билан танишинг.

"Манчестер Сити" - "Ноттингем Форест" учрашувида "шаҳарликлар" 2:0 ҳисобида зафар қучди. 7-дақиқада Фоден ҳисобни очган бўлса, 14-дақиқада Холанд орадаги фарқни иккитага оширди. Иккинчи тайм бошида Родри қизил карточка олиб, майдонни тарк этди. Бир киши кам бўлиб қолган мезбонлар баҳс сўнггига қадар ҳисобни ушлаб қолди ва 3 очкони қўлга киритди.

Шу тариқа, "Манчестер Сити" турнир жадвалида 18 очко билан пешқадам бўлиб қолмоқда. "Ноттингем Форест" эса 10-поғонадан жой олди. 

"Лутон" - "Вулверхэмптон" ўйинида кучлар тенг келди. 50-дақиқада Нето "бўрилар"Ни олдинга олиб чиқди. Орадан кўп ўтмай Моррис пенальтини аниқ амалга оширди. 

Ушбу дурангдан кейин О’Нил шогирлари турнир жадвалида 15-ўринга кўтарилди. "Лутон" эса сўнгги поғода бормоқда.

"Кристал Пэлас" - "Фулхэм" баҳсида ҳисоб очилмади ва жамоалар бир очкодан бўлишиб олди. Шу тариқа, мезбонлар 8, лондонликлар 9-ўринга жойлашди.