АПЛда "гигантлар тўқнашуви" ёхуд "Ливерпуль" "Энфилд"да "Сити"га қарши саф тортади

Англия премьер-лигаси 11-тури доирасида "Ливерпуль" ва "Манчестер Сити" жамоалари бугун "Энфилд Роуд"да ўзаро тўқнаш келади. Беллашув 20:30 да старт олади.

Икки жамоага ҳам ғалаба "сув ва ҳаводек" зарур. "Шаҳарликлар" пешқадамга етиб олиши керак бўлса, "қизиллар" гранд жамоалардан ортда қолиб кетмаслиги учун ҳам зафар қучиши лозим. 

Маълумот ўрнида, Гвардиола шогирдлари айни вақтга қадар 23 очко жамғарган ҳолда, турнир жадвалининг 2-поғонасини банд этиб турибди. Клопп жамоаси ҳисобида 10 очко мавжуд бўлиб, клуб 11-ўриндан жой олган.