APLda sentyabr oyining eng yaxshi futbolchisi bo‘lish uchun 8 ta nomzod e’lon qilindi (FOTO)

Angliya premer-ligasi rasmiy saytida musobaqaning sentyabr oyidagi eng yaxshi futbolchisi bo‘lishga nomzod futbolchilar ro‘yxati e’lon qilindi.

8 ta nomzoddan 4 tasi “Everton” va “Lester” futbolchilaridir. Aytish kerakki, g‘olib nomi muxlislar o‘rtasida o‘tkaziladigan so‘rovnoma yakunlariga ko‘ra e’lon qilinadi.

Patrik Bemford ("Lids"), Dominik Kalvert-Levin, Xames Rodriges (ikkalasi - "Everton"), Timoti Kastan, Jeymi Vardi (ikkalasi - "Lester"), Xarri Keyn ("Tottenxem"), Tarik Lempti ("Brayton") va Sadio Mane ("Liverpul") eng yaxshi futbolchi bo‘lishga nomzod hisoblanadi.