Мадриднинг "Реал" клуби “Ювентус”нинг қизиқишларига сабаб бўлаётган ҳимоячи Марселони қўйиб юборишга тайёр. Бу ҳақда Tuttosport нашри хабар тарқатмоқда.

Бироқ, бунинг учун “қироллик клуби” 30 ёшли бразилиялик футболчининг ўрнига ўзи кўзлаган футболчини олиб келиши лозим. Мадридликлар Марселонинг ўрнига “Челси”дан Маркос Алонсони харид қилишмоқчи. Бироқ, “Реал” ушбу трансферни келаси ёзда амалга оширишни режалаштирмоқда.