АПЛнинг 3 гранд клуби "Барселона" ҳужумчисини нишонга олди

Англия Премьер-лигасининг 3 та топ клуби "Барселона" ва Испания терма жамоаси ҳужумчиси ҳисобланган Ферран Торресга қизиқиш билдирмоқда. 
 
Хабарингиз бор, Ферран яна "кўк-анорранглилар" сафида яхши формага қайтиб олмоқда. Бир неча мавсум давом этган беқарор ўйинлардан сўнг, валенсиялик вингер ўзининг энг яхши формасини қайтариб, Фликнинг режаларида муҳим ўрин эгаллай бошлади. Унинг тезлиги, дриблинги ва фидойилиги яна клуб ва терма жамоада эътибордан четда қолмади. 
 
"Fichajes" нашрининг хабарига кўра, Премьер-лиганинг уч клуби – "Манчестер Юнайтед", "Ливерпуль" ва "Астон Вилла" унга катта қизиқиш билдирмоқда. Бироқ, энг фаоллик кўрсатаётган жамоа "Астон Вилла" бўлиб, Унаи Эмери Ферранни ўзининг ҳужум тизимига мукаммал мос тушадиган футболчи деб ҳисоблайди ва трансферга рухсат берган. 
 
Маълумот ўрнида, 25 ёшли ҳужумчи жорий мавсум каталонияликлар таркибида 32 та беллашувда майдонга тушиб, 13 та гол ва 3 та голли узатмага муаллифлик қилган.