АПЛнинг икки клуби 100 миллион евро турадиган аргентиналик футболчини сотиб олмоқчи

Аргентиналик ёрдамчи ҳужумчи Жанлука Престианни, трансфер ҳуқуқлари Лиссабоннинг «Бенфика» клубига тегишли бўлган футболчи, Англия премьер-лигасининг икки жамоаси диққат марказига тушди.

Инсайдер Экрем Конурнинг ижтимоий тармоқлардаги маълумотларига кўра, 20 ёшли вингерни ўз сафига қўшиб олишни Лондоннинг «Тоттенхэм» ҳамда Бирмингемнинг «Астон Вилла» жамоалари истамоқда.

Престианнининг «Бенфика» билан тузган шартномасидаги тўлов миқдори 100 миллион евро этиб белгилаб қўйилган. Аргентиналик футболчи билан меҳнат келишуви 2029 йил июни охиригача амал қилади.

Португалия чемпионатининг жорий мавсумида Жанлука еттита ўйинда майдонга тушиб, бешта гол урди ва учта голли пас муаллифига айланди.