АПЛнинг икки клуби "Барселона" ярим ҳимоячиси учун курашади

"Барселона" ярим ҳимоячиси Марк Касадо "Вест Хэм"га ўтиши мумкин.

"The Guardian" нашрининг хабар беришича, Лондон клуби Каталония клуби ярим ҳимоячисини трансфер қилиш бўйича таклиф берган. Шунингдек, жамоа "Саутгемптон"нинг 21 ёшли футболчиси Матеус Фернандешни ҳам ўз сафига қўшиб олишга қизиқиш билдириб, у бўйича ҳам таклиф берган.

Маълум қилинишича, Касадога "Вулверхэмптон" ҳам қизиқиш билдирмоқда. Аввалроқ, инглиз клублари испаниялик футболчи учун 30 миллион евро таклиф қилиши мумкинлиги ҳақида хабарлар тарқалган эди.

Марк Ла Лиганинг ўтган мавсумида 23 та ўйинда иштирок этиб, 1 та гол урган ва 3 та голли узатма берган.