АПЛнинг олти клуби Германияда порлаётган ўйинчи учун "аукцион" бошлади

Германия Бундеслигасида иштирок этаётган “Айнтрахт” клуби ўнг қанот ҳимоячиси Ннамди Коллинс учун Премьер-лига клублари ўртасидаги “аукцион” бўлиши кутилмоқда.

“Айнтрахт”нинг чап қанот ҳимоячиси Натаниэль Браунни Премьер-лигага кўчиб ўтиши ҳақида анча вақтдан бери гапирилади, аммо TEAMtalk маълумотига кўра, инглиз клублари унинг қарама-қарши қанотдаги шеригига ҳам қизиқмоқда.

Сўнгги ойларда Коллинсни “Арсенал”, “Ливерпуль”, “Манчестер Сити”, “Ньюкасл”, “Брайтон” ва “Брентфорд” скаутлари кузатиб, унинг жисмоний кучи, тезлиги ва универсаллигига юқори баҳо берган.

Коллинс аслида “Боруссия Дортмунд” академияси тарбияланувчиси бўлиб, 2023 йилда “Айнтрахт”га ўтганидан кейин салоҳияти тўлиқ намоён бўла бошлади.  Ннамди марказий ҳимоячи сифатида ҳам ўйнай олади.

Унинг тараққиёти Германия терма жамоасига биринчи чақирув билан қайд этилди — Ннамди сентябрда дебют қилди.