АПЛнинг январь ойидаги энг яхши мураббийи унвони учун номзодлар маълум бўлди

Англия Премьер-лигасида январь ойининг энг яхши мураббийи унвони учун даъвогарлар номлари эълон қилинди.

Эслатиб ўтамиз, жорий мавсумда "Ливерпуль" бош мураббийи Юрген Клопп август, сентябрь, ноябрь ва декабрь ойларининг энг яхши мураббийи деб топилган эди.

Январь ойида фахрий унвон учун германиялик мутаҳассис билан Хосеп Гвардиола ("Манчестер Сити"), Ральф Хазенхюттль ("Саутгемптон") ва Найжел Пирсонлар ("Уотфорд") рақобат қилишади.