АҚШ "ЖЧ-2026"да эронлик мухлислар учун квоталарни бекор қилди

2026 йилги жаҳон чемпионати бошланишига икки кун қолганида мусобақа ташкилотчилари Эрон мухлислари учун ажратилган билет квотасини бекор қилди. Бу ҳақда Эрон футбол федерацияси маълум қилди, унинг баёноти Reuters ахборот порталида эълон қилинган.

Маълумотга кўра, расман эълон қилинган тартибга ишонган ҳолда сафарини олдиндан режалаштириб, АҚШга чипта ва йўлкира харид қилган кўплаб эронлик мухлислар эндиликда ўз терма жамоаси ўйинларини стадиондан томоша қила олмайди.

"Кўплаб эронлик футбол ишқибозлари расман эълон қилинган жараёнга таяниб, ўйинларга бориш учун барча зарур режаларни тузиб бўлганига қарамай, шундай қарор қабул қилинди", — дейилади Эрон футбол федерацияси баёнотида.

Эрон терма жамоаси ЖЧ–2026 гуруҳ босқичи учрашувларини АҚШда ўтказади. Терма жамоа Бельгия, Миср ва Янги Зеландия терма жамоаларига қарши майдонга тушиши режалаштирилган.