АҚШ нимаси билан Россиядан кучли? Испаниялик мутахассис жавоб берди

"Спартак"нинг собиқ устози Рауль Рианчо АҚШ терма жамоаси Россия терма жамоасидан нимаси билан устун эканлиги ҳақида ўз фикрини билдирди.

Эслатиб ўтамиз, америкаликлар Қатарда бўлиб ўтаётган жорий жаҳон чемпионатининг плей-офф босқичига чиқишга муваффақ бўлишди. Бироқ улар турнирнинг 1/8 финалидан нарига ўта олишмади, чунки кеча Нидерландия терма жамоасига имкониятни бой бериб қўйишди (1:3).

Испаниялик мутахассиснинг фикрича, Россия терма жамоасининг асосий муаммоси мамлакатда ёш футболчиларни тайёрлаш бўйича ягона стратегия ишлаб чиқилмаганида.

“Россиядаги футбол академияларда методик иш йўқ. Дунёдаги барча мамлакатларда футболчиларни ривожлантириш бўйича аниқ схема мавжуд. Россияда эса ҳар бир академиянинг ўзига хос иш услуби бор”, — деди Рианчо Спорт24 га берган интервьюсида.