АҚШ терма жамоасининг собиқ футболчиси 35 ёшида ҳаётдан кўз юмди
Ads

АҚШ терма жамоаси ва “Лос-Анджелес Гэлакси” клуби собиқ ярим ҳимоячиси Колин Кларк кеча 35 ёшида вафот этди. Бу ҳақда клуб матбуот хизмати хабар тарқатмоқда.

Ҳозирча унинг бундай тўсатдан содир бўлган ўлимига нима сабаб бўлгани маълум эмас.

Маълумот учун, Кларк АҚШ терма жамоасига 2009 йил чақирилган ва 1та ўйинда майдонга тушган. У шунингдек “Хьюстон Динамо” ва “Колорадо” каби клубларда тўп сурган.