Арбелоа: "Биз кўришни истаган "Реал" айнан шу"

"Реал Мадрид" бош мураббийи Альваро Арбелоа Чемпионлар лигасида "Бенфика"га қарши ўйин (1:0) ҳақида фикр билдирди.

– Биз биринчи бўлимни жуда яхши ўтказдик ва кўпроқ гол уришга лойиқ эдик. Ўша можародан кейин ўйин бироз ўзгарди, аммо шунга қарамай яхши ҳаракат қилишда ва вазиятлар яратишда давом этдик.

Табиийки, рақиб очилди, баъзи вазиятларда тўп бир жарима майдонидан иккинчисига тез ўтди, назорат камайди. Аммо бу учрашувда биз айнан кўришни истаган "Реал"ни кўрдик: ишончли, барча футболчилар жонбозлик билан ҳаракат қиладиган ва жамоа учун ўйнайдиган таркиб. Уч ҳафта аввалги ўйин билан солиштирганда катта фарқни кўрдим. Бу бутунлай бошқа жамоа эди ва мухлислар ҳам айнан шундай "Реал"ни кўришни истайди.

Албатта, аввалги ўйин биз қандай ўйнашимиз кераклигидан анча узоқ эди. Бу сафар эса тўғри йўлни кўрсатдик. Мен тайинланганимдан бери айнан шу жиҳатга урғу бериб келяпман.

Жамоа ажойиб ўйнади. Албатта, ҳали ўсиш учун жой бор, аммо айнан шу йўналишда ҳаракат қилишимиз керак, – деди Арбелоа.