Арбелоа Камавинга четлатилишига норозилик билдирди

“Реал Мадрид” бош мураббийи Альваро Арбелоа “Бавария”га қарши ўйинда Эдуардо Камавинганинг четлатилиши ҳақида фикр билдирди. 86-дақиқада Камавинга иккинчи сариқ карточка олиб, майдонни тарк этди.  

“Ҳеч ким бу қарорни тушунмади. Бу адолатсиз қарор бўлди. Балки ҳакам Камавинганинг биринчи сариқ карточкаси борлигини унутгандир. Шунинг учун иккинчисини кўрсатган бўлиши мумкин.

Ростини айтсам, бу ҳатто сариқ карточкага ҳам тортмайди. Балки у футбол ўйнамаган бўлиши мумкин... Билмадим”, — деди Арбелоа.