Arbeloa “Real” yulduzidan xursand
2025 yilning yozida “Liverpul”dan “Real”ga ko‘chib o‘tgan o‘ng qanot himoyachisi Trent Aleksander-Arnold uchun Madrid superklubidagi faoliyat biron qiyin boshlandi.
Tajribali himoyachi mushak jarohatlari sababli 21 o‘yinni o‘tkazib yuborishga majbur bo‘ldi.
Trent sekin-asta o‘z sport formasiga qaytmoqda. U dekabrdan beri birinchi bor boshlang‘ich tarkibda maydonga tushdi va “Real”ning “Real Sosьedad” jamoasiga qarshi 4:1 hisobida yakunlangan uchrashuvida golli uzatma qayd etdi.
Madridliklar bosh murabbiyi Alvaro Arbeloa 27 yoshli angliyalik futbolchining mahoratiga yuqori baho berdi.
- Trent haqida yangi narsalarni kashf qilishga hojat yo‘q. U o‘yinni juda yaxshi tushunadi, maydonni ko‘ra oladi va biz uchun bunday o‘yinchilar juda muhim. U faqat to‘p uzatish bilan cheklanmaydi, markaziy pozitsiyalarda ham o‘ynay oladi. Biz bunday o‘yinchilarga ega bo‘lganimizdan baxtiyormiz, - dedi Alvaro Arbeloa.
Fikrlar