Арбелоа “Реал”ни ўйнатиш усулини топди. У Анчелотти қилган ишга қўл уради

“Реал”га бош мураббий этиб тайинланган Альваро Арбелоа жамоага ғалаба келтирадиган ва ўйинчиларнинг салоҳиятини намойиш қилишга имкон берадиган ўйин услубини қўллашга қарор қилди.

Арбелоа ўзидан аввал ишлаган Хаби Алонсо қўллаган ўйин усулидан воз кечадиган бўлди. Алонсо даврида жамоа ўйинчилари учрашувларда  юқори интенсивли прессингга асосланган ўйин намойиш қилган.

Бу ҳолат футболчилардан ортиқча меҳнатни ҳам талаб қилар эди. Арбелоа жамоага майдонда кўпроқ эркинлик беришни истайди.

Diario AS маълумотига кўра,  янги бош мураббийнинг бу борадаги қарашлари Карло Анчелоттиникига ўхшайди. Арбелоа ҳам машҳур италиялик мураббий йўлини тутиб, футболчиларнинг импровизация қилишига рухсат бермоқчи. Шунингдек, янги ўйин тизимида ҳужумкор ўйинчиларнинг ҳар доим ҳам ҳимояга қайтишига ҳожат қолмайди.