Арбелоа: "Тчуаменининг голи жуда муҳим эди, Винисиус эса етакчи бўлиши керак"

Альваро Арбелоа Чемпионлар лигасида "Реал Мадрид"нинг "Бенфика" устидан 2:1 ҳисобидаги ғалабасига изоҳ берди.

"Чемпионлар лигасида 90 дақиқа давомида осон ўйин бўлмайди, барибир қийналишга тўғри келади. Рақиб яхши прессинг қилди, биз эса ярим ҳимоячилар орасидаги бўш ҳудудлардан қандай фойдаланишни билмадик. Танаффусда хатоларни тўғриладик ва ўйинимиз яхшиланди.

Орельен Тчуаменининг голи жуда муҳим бўлди. Сўнгги кунларда у ҳақда кўп гапирдик, у ҳозир ажойиб даражада ўйнамоқда. Агар у жарима майдони чизиғигача етиб боришда давом этса, кўп гол уради.

Винисиус Жуниор ажойиб ўйин ўтказди, гол урди ва ҳар бир имкониятда хавф яратди. Унинг уйида аллақачон ўйиннинг энг яхши футболчиси совринлари кўп, аммо бу сафар Орельен ҳам мукофотга муносиб эди.

Майдонда Килиан Мбаппе бўлганида ҳам, бўлмаганида эса янада кўпроқ, бизга Винисиус керак. У етакчимиз, ўйин атрофида қуриладиган футболчи бўлиши шарт. У шу даражада ўйнашда давом этади, деб умид қиламиз.

Кейинги босқичда ким билан ўйнашимиздан қатъи назар, жиддий рақиб бўлади. Бизда ҳеч қандай афзал кўриш йўқ", — деди Арбелоа "Movistar" эфирида.