Арман Царукяннинг сабр косаси тўлдими? Илия Топурия жангга чиқмаса, навбат кимга?

UFC нинг енгил вазн тоифаси рейтинги етакчиси Арман Царукян вақтинчалик чемпион Жастин Гэтжига қарши октагонга чиқмоқчи.

"Мен ҳақиқатан ҳам Жастин билан жанг қилишни хоҳлайман. Агар Топурия апрель ёки июнь ойларида Гэтжига қарши баҳсни қабул қилмаса, мен америкалик билан октагонни бўлишишга тайёрман. Акс ҳолда, яна узоқ вақт кутишга мажбур бўламан. Нима ҳам қилардим? Ўтган йили менга берилган имкониятни қўлдан чиқардим, бироқ бу сафар унумли фойдаланаман. Топурияга келсак, ўйлашимча, у ярим ўрта вазнга кўтарилиб, Ислом Махачев билан кураш олиб боради", — дея Арманнинг сўзларини келтирди "MMA Fight" нашри.

Эслатиб ўтамиз, Царукян 2025 йил 22 ноябрь куни "UFC Fight Night 265" турнирида Дэн Хукерни 2-раундда мағлуб этганидан буён UFC октагонларида кўриниш бермади.