Arnais "Barselona" safidagi debyut o‘yinidayoq gol kiritdi

Kataloniyaning “Barselona” klubi yarim himoyachisi Xose Arnais o‘zining asosiy jamoadagi debyut o‘yinidayoq gol kiritishga muvaffaq bo‘ldi.

Gap shundaki, 22 yoshli futbolchi kecha bo‘lib o‘tgan “Mursiya”ga (3:0) qarshi Ispaniya kubogida uchrashuvni asosiy tarkibda boshladi va 57-daqiqada jamoadoshi Denis Suaresning uzatmasidan so‘ng raqib darvozasini ishg‘ol etdi.

Ma’lumot uchun, Arnais kataloniyaliklar safiga joriy mavsum boshida “Valyadolid” klubidan kelib qo‘shilgan edi. U o‘tgan vaqt mobaynida “Barselona B” jamoasida 8ta uchrashuvda maydonga tushib, o‘z hisobiga 4ta gol hamda 3ta golli uzatma yozdirib qo‘yishga erishgan.