Арне Слот шокка тушди, футболчилар ҳам

Англия Премпьер лигасининг гранд клубларидан “Ливерпуль” раҳбариятининг бош мураббий Арне Слотни истеъфога чиқариш қарори жамоа ичида тушунмовчиликларга  сабаб бўлди.

Daily Mail нашри маълумотига кўра, нидерландиялик мутахассис ўз ишдан бўшатилганини расмий эълондан бироз олдин  эшитган. Худди мураббий каби жамоа футболчилари ҳам ушбу қарордан шок ҳолатига тушган.

Слот содир бўлган воқеадан ҳайратда қолган, чунки яқин вақтгача у раҳбарият томонидан қўллаб-қувватланаётганини ҳис қилиб келаётган ва “Ливерпуль”даги ишини давом эттиришга ишонаётган эди.

Ҳозирча мутахассис зудлик билан янги иш қидиришни режалаштирмаяпти, аммо келажакда муносиб таклифларни кўриб чиқишга тайёр.

Арне Слот расман 2024 йил июнь ойида “Ливерпуль” бош мураббийига айланган эди. Бунгача у уч мавсум давомида Нидерландиянинг “Фейеноорд” клубида муваффақиятли ишлаган.

Дебют мавсумида у инглиз клубини Англия Премьер-лигасидаги 20-чемпионлик унвонига олиб чиққанди. 2025-2026 йилги мавсумда эса жамоа бешинчи ўринни эгаллаб, Чемпионлар лигасининг асосий босқичига йўлланма олди.