Арне Слот: "Йўқотишимиз – сабоқ, лекин курашишдан тўхтаганимиз йўқ"

АПЛнинг 35-турида "Ливерпуль" меҳмонда "Челси"га қарши баҳс олиб борди ва 1:3 ҳисобида мағлубиятга учради. Ўйиндан сўнг бош мураббий Арне Слот ўз фикрларини билдириб ўтди.

"Бир доно инсон шундай деганди: “Ютилган ўйин эмас, мағлубият яхши натижалар олиб келади”. Мен бу сўзларга қўшиламан. Биз бугун мағлуб бўлдик, аммо бундан ижобий жиҳатларни кўраман. Бу мағлубият “Челси”дек кучли жамоага қарши бўлди. Балки бизда одатда бўладиган кайфият, уқувнинг озгина қисми етишмади.

Лекин натижадан кўра, биз қандай жавоб қайтардик – шу муҳим. 0:2 ҳисобида ортда қолганимизга қарамай, таслим бўлмадик. Биз қайтишга ҳаракат қилдик, мухлисларимиз ҳам охиригача биз билан бўлишди.

“Челси” сингари рақибга қарши ўйнаётганда хатоларга йўл қўйиш мумкин эмас. Бугун биз айнан шундай хатолар қилдик. Шу билан бирга, захирадан тушган футболчиларнинг асосий таркиб билан қандай ўйнаётганини кўриш ҳам муҳим. Уларнинг ҳаракатлари келажакдаги режаларимиз ҳақида ўйлаб кўришга ундайди" – дея таъриф бериб ўтди нидерландиялик мутахассис Sky Sports'га берган интервьюсида.