"Арсенал" 30 миллион еврога испаниялик дарвозабонни сотиб олмоқда

"Брентфорд"нинг испаниялик дарвозабони Давид Райя яқин кунларда "Арсенал"га ўтади. Бу ҳақда журналист Фабрицио Романо ўзининг ижтимоий тармоқларида хабар берди.

Манбага кўра, клублар 27 ёшли посбоннинг трансфери бўйича тўлиқ оғзаки келишувга эриша олган. “Арсенал” испаниялик дарвозабон учун 30 миллион евро тўлайди. Райя эса "канонирлар" билан 2028 йилнинг июнь ойи охиригача шартнома имзолайди. Давид келаси ҳафта янги жамоаси сафида тиббий кўрикдан ўтади ва бу вақт ичида клублар трансфер учун якуний ҳужжатларни тайёрлайди. Шундан сўнг трансфер расман эълон қилинади.

Маълумот учун, 27 ёшли Давид Райя 2019 йилдан бери "Брентфорд"да ўйнаб келмоқда. Футболчининг амалдаги клуби билан шартномаси 2024 йилнинг июнь ойи охиригача тузилган. Трансфермаркт порталига кўра, дарвозабоннинг тахминий нархи 30 миллион еврони ташкил қилади.