"Арсенал" англиялик тўпурарни нишонга олди!

"Daily Mail" нашрининг хабар беришича, "Арсенал" ҳужумни кучайтириш борасида "Астон Вилла" форварди Олли Уоткинсни кузатишда давом этмоқда. Манбанинг маълум қилишича, лондонликлар англиялик ҳужумчини олиб келиш бўйича музокараларнинг янги босқичини бошламоқчи.

Шу билан бирга, клубнинг асосий трансфер мақсадлари сифатида Виктор Дьёкереш ("Спортинг") ва Беньямин Шешко ("Лейпциг") кўрилмоқда. Агар ушбу икки футболчи бўйича келишув амалга ошмаса, унда "канонирлар" барча эътиборини Уоткинс трансферига қаратади.

29 ёшли Уоткинс ўтган мавсумда 54 та ўйинда майдонга тушиб, 17 та гол ва 14 та голли узатма муаллифи бўлди. Transfermarkt портали футболчининг бозор қийматини 40 миллион евро деб баҳолаган.