"Арсенал" АПЛнинг энг зўр ўйинчиси учун катта таклиф тайёрламоқда

Англиянинг амалдаги чемпиони "Арсенал" келаси мавсум олдидан таркибини сезиларли даражада кучайтиришни мақсад қилди. 

"Канонирлар" раҳбарияти  ўз режасини амалга ошириш учун "Астон Вилла" ярим ҳимоячиси Морган Рожерсга бўлган қизиқишини сақлаб қолмоқда ва уни қўлга киритиш учун навбатдаги уринишни амалга оширмоқчи. 

Манбаларга кўра, лондонликлар футболчи ва унинг вакиллари, шунингдек, Бирмингем клуби раҳбарияти билан мулоқотни тўхтатмаган.

23 ёшли англиялик футболчи ёзги трансфер ойнасида "канонирлар" ҳужум чизиғини кучайтириш учун устувор номзодлардан бири сифатида кўрилмоқда. Ўтган мавсумда Рожерс барча мусобақалар доирасида 55 учрашувда майдонга тушиб, 14 та гол урди ва 11 та голли узатма амалга оширди. 

Шунингдек, у "Астон Вилла"га Европа Лигаси совринини қўлга киритишда катта ёрдам берди. Футболчининг клуб билан амалдаги шартномаси 2031 йилгача мўлжалланган.

Маълумотларга кўра, "Арсенал" Рожерс трансфери бўйича аниқ қадамларни жаҳон чемпионати якунланганидан сўнг қўяди. Ушбу турнир Морган Роджерс учун жаҳон чемпионатидаги илк иштирок бўлади. 17 июнь куни Англия терма жамоаси Хорватия миллий жамоасига қарши майдонга тушади.