"Арсенал" автогол туфайли Англия Кубогини тарк этди

Англия Кубоги нимчорак финалидан ўрин олган "Саутгемптон" - "Арсенал" баҳси ўз якунига етди. Унда майдон эгалари 1:0 ҳисобида ғалабага эришди.

Беллашувнинг 24-дақиқасида Габриэль томонидан ўз дарвозасига киритиб юборилган тўп якунда ягоналигича қолди.

Шу тариқа, "авлиёлар" чорак финал йўлланмасини қўлга киритди. Ушбу босқичда уларга "Вулверхэмптон" рақиблик қилади.