“Арсенал” беш футболчи тақдирини ҳал қилди

“Арсенал” раҳбарияти жамоанинг беш нафар футболчиси келажаги бўйича бир қарорга елди. Бир неча манбаларнинг таъкидлашича, клуб уларга янги шартнома беради.

Хўжайинлардан янги битим оладиган “канонирлар”дан бири Букайо Саканинг амалдаги келишуви 2023 йили тузилган ва 2027 йилнинг ярмигача амал қилади. Тез орада клуб ҳужумчи билан музокара бошлайди.

Англия Премьер-лигасидаги энг яхши марказий ҳимоячилар тандеми – Габриэл Магальэяс ва Вильям Салибанинг клуб билан келишуви тугашига икки йил қолди. Бразилиялик ҳимоячини саудияликлар олиб кетмоқчи. Шу боис, “Арсенал” у билан тезкор равишда музокарага киришди.

Лондонликлар жамоада порлай бошлаган янги юлдузчаларни ҳам назардан қочиргани йўқ. Evening Standard нашрининг маълум қилишича, клуб мутасаддилари Майлс Льюис-Скелли ҳамда  Итан Нванери асосий таркибдан жой олгани учун уларни янги шартнома билан тақдирлайди.