"Арсенал" "бомба" трансфер амалга оширишга яқин!

"Арсенал" "Фиорентина"га Душан Влахович учун 150 миллион фунт стерлинг таклиф қилади. Клуб футболчини январдаёқ таркибга қўшиб олмоқчи.

"Daily Mail" нашрининг хабар беришича, 21 ёшли ҳужумчи ҳафтасига 300 минг фунт стерлинг маош талаб қиляпти. Шунга қарамай, лондонликлар бу талабни тўла қондиришга тайёр.

Маълумотларга кўра, Влаховичга "Арсенал"дан ташқари "Манчестер Сити", "Барселона", "Тоттенхэм" каби катта клублар қизиқиш билдирмоқда. Форвард жорий мавсум 20та ўйинда майдонга тушиб, 16та гол урган ва 4та голга ассистентлик қилган.